Antesedente ko’alia kona-bá joven sira nia utilizasaun facebook bá iha komunikasaun entre-pesoa iha suku Açomano, Postu Administrativu Liquiçá, Municipiu Liquiçá atu hare joven sira nia komunikasaun entre-pesoa iha facebook ne’e la’o oinsa? ho objetivu peskiza ida ne’e iha fatin suku Açomano postu administrativu Liquiçá, municipiu Liquiçá. Atu observa kona-bá Média sosiál facebook fó impaktu bá komunikasaun entre-pesoa juventude iha suku Açomano ne’ebé utiliza facebook hodi hala’o komunikasaun kada loron.
Enkuardamentu teória ko’alia kona-bá definisaun husi teóriku, atu aumenta referensia no sai hanesan informasaun bá sira ne’ebé mak atu peskiza iha tempu oin mai, benefisiu pratika mak atu aumenta peskizadora nia abilidade nu’udar ema akademiku ida ho esperensia sientifika liu-liu iha area komunikasaun sosiál.
Metódologia ne’ebé uza iha peskiza ne’e mak metódu analiza kualitativu deskrétivu. Hodi hala’o interpretasaun bazeia bá fonómena ne’ebé akontese, atu deskobre kona-bá maneira simples husi aproximasaun informadu xave atu fó dadus tuir situasaun real ne’ebé joven sira hasoru entre komunikador ho komunikante.
Apresenta no analiza dadus peskiza ne’ebé rekolla hanesan aspektu importante, atu identifika kondisaun jeral joven sira iha fatin suku Açomano Postu Administrativu Liquiçá, Municipiu Liquiçá nian, nomós analiza dadus ne’ebé kobre bá joven sira kona-bá média sosiál facebook fó impaktu bá komunikasaun entre-pesoa juventude iha suku Açomano.