Monografia nia titulu mak “Estratejia Dezenvolvimentu bee manas Uaru-ana ba destinasaun turistiku iha suku Biqueli munisipiu Ataúro”,potensia turismu ne’ebe mak iha suku Biqueli mak hanesan: potensia turismu historia, kultural no mos potensia naturaza, liu-liu bee manas Uaru-ana ne’ebe furak bele atrai turista sira, maibe to’o agora seidauk iha interese husi governu konaba enfaestrutura turismu iha suku Biqueli, menus enfraestrutura bazeia ba realidade nebee mak iha area refere, hanesan estrada sei at no fasilidade sira seluk tan. Objektivu husi peskiza ida ne’e identifika potensia turismu nomos atu halo estratejia dezenvolvimentu ba bee manas Uaru-ana hanesan destinu turismu. Peskiza ida ne’e halo iha suku Biqueli munisipiu Ataúro. Peskiza ho metodu kolekta dadus mak hanesan observasaun, intervista, dokumentasaun no halo giaun. Tekniku husi peskiza atu foti amostra mak purposive sampling, amostra ne’ebe foti husi populasaun hamutuk ema na’in hitu (7). Purposive sampling hanesan tekniku ne’ebe peskizador uza hodi foti amostra ho objektivu ne’ebe efektivu. Rezultadu husi peskiza katak potensia turismu ne’ebe iha suku Biqueli hanesan natureza, historia no kultura, husi potensia natureza ne’ebe mak estratejia presiza atu dezenvolve mak hanesan bee manas Uaru-ana no ai-parapa, tamba panorama uniku ne’ebe matak no fresku. Turista barak mak vizita ona maibe sei falta kondisaun. Potensia turismu iha suku Biqueli mak hanesan natureza kultura no historia konaba natureza mak hanesa bee manas Uaru-ana no ai-parapa. No konaba kultura mak hanesan kostume vestuario tradisional, bidu, tebe, hafolin feto no mane no historia mak hanesan bee manas iha tempu portugaueza. Liutan ida ne’e, potensia tuirsmu iha mos atraksaun turismu sai hanesan aktividade ida hodi oferese ba turista sira mak hanesan Climp Hourse, Kilat no Olku no seluk-seluktan. Bazeia ba peskiza ne’e, hakerek na’in sujere ba autoridade no komunidade lokal atu nune’e bele servisu hamutuk hodi dezenvolve potensia turismu iha suku Biqueli, liu-liu kria estratejia hodi dezenvolve bee manas Uaru-ana sai hanesan destinu turismu ne’ebe mak furak iha turista nia matan.