ABSTRATU
Fatuk karbonatu forma liu husi biolojia, biokimika no preparasaun anorganiku disolusaun CaCO3 forma iha tasi laran ( Scoffin, 1987). Tuir peritus ( Pirson, 1958), hateten katak fatuk kalkariu karbonatu forma iha ambiente parte tasi laran, material sira ne’e la’os husi rai maran ka la bele halo depozisaun iha área ne’eba, organismu sira ne’e iha tasi nian hanesan koral, algas bryozoa no seluk tan. Husi animais tasi nian ne’ebé nia kulit to’os sira kompostu ho mineral anorganiku mak tuir mai halo mudansa sai mineral kalsite. Prosesu forma fatuk kalkariu sei la’o hela de’it, karik iha kondisaun tasi livre iha nia kle’an. Ida ne’e hetan akontese hela de’it iha komparasaun entre organismu moris no tasi ne’ebé tun hodi forma fatuk ne’e, to’o fatuk karbon atu hetan rejultadu ne’ebé mak mahar liu. Tuir volontariu ( Landes, 1959),
Jeralmente husi área peskiza bazeia ba litoestratigrafia husi unidade litolojia iha formasaun rua (2) mak hanesan unidade litolojia konglomeradu husi formasaun Suai, arjila, kalkariu koraliferus husi kalkariu Baukau no kalkariu dolomite formasaun Viqueque, peskizador halo observasaun ba porsentu iha mapa mak hanesan konglomeradu kauze 10%, arjila kuaze 5% ba kalkariu koraliferu okupa mapa kuaze 25% no mós kalkariu dolomite okupa iha mapa kuaze 60%. Intrepretasaun bazeia ba dadus litoestratigrafia husi unidade litolojia sei fahe ba unidade ha’at (4) hanesan tuir mai: Unidade litoljia konglomeradu, Unidade litolojia arjila, Unidade litolojia kalkariu no Unidade litolojia fatuk dolomite.
Intesaun husi projeitu final ida ne’e atu hatene kle’an liu prosesu kona-ba fatuk kalkariu iha area refere.
Objektivu jeral ida ne’e oinsa atu hatene kona ba kondisaun jeolojia iha área estudu hodi nu’une fo informasaun kona ba ambiente depozisaun fatuk kalkariu ne’ebé mak forma iha rai leten liu-liu iha aréa estudu, no aspektu jeolojia mak hanesan jeomofolojia, jeolojia estrutural, estratigrafia, litolojia, ambiental, jeohidrolojia no hitoria jeolojia ne’ebé akontese iha aréa refere.
Liafuan Save: Estudu ambiente depozisaun fatuk kalkariu, analiza makro foseis, analiza mikro foseis.