Antesedente: Inan isin-rua hanesan prosesu natural no normal. Mudansa ne’ebe mak akontese ba feto ho karakter fisiologia no laos patologia maske laos tau iha kazu karik antes akontese komplikasaun ruma tamba ho nia kondisaun ka kompliksaun ida ne’e bele akontese depois. Inan isin-rua presija sente sinal sira ne’ebe fo risku durante isin rua. Karik sinal hirak nee la hato’o ka hetan deteksaun, bele fo risko ba nia vida. (Marmi,2017).
Objetivu Peskiza: Objetivu peskiza ida ne’e atu hatene “Deskrisaun nivel koñesimentu inan isin-rua kona-ba Obedencia Konsulta ANC Iha Sala ANC Postu Saúde Caicasabu’u Postu Administrativu Uatulari Sucu Babulo Municipiu Viqueque Tinan 2021”
Metodu Peskiza: Metodulojia peskiza uja ba peskiza ida ne’ebe atu analiza metodu Deskritivu kuantitativu ho total populasaun hamutuk ema nain 104 no total amostra respodente hamutuk ema nain 51,foti ho tekniku simple ramdong sampling. Variavel independen mak hanesan Koñesimentu Inan no sinais perigozu gravidarum no varaivel dependen mak hanesan Obedencia konsulta ANC. Akumulasaun dadus uza kuesiner no analizasaun uza estatistik.
Resultadu Peskiza: Bazeia ba tabela iha leten hatudu katak, koñesimentu ne’ebe hala’o konsulta, koñesimentu ne’ebe Di’ak hamutuk 44 ho nia pursentu (86%), ho koñesimentu Naton hamutuk ema nain 5 ho nia pursentu (10%), no mos koñesimentu ne’ebe Menus hamutuk ema nain 2 ho nia pursentu (4%), Hatudu katak iha rezultadu peskiza ida ne’e barak liu mak inan isin-rua ne’ebe ho koñesimentu Di’ak hamutuk ema 44 ho nia pursentu (86%).
Konkluzaun: Bazeia ba resultadu ne’ebe mak peskizador hetan konaba konsulta inan isin-rua iha sala ANC ho koñesimentu ne’ebe mak Di’ak hamutuk respondente 44 ho nia pursentu (86%).