ABSTRATU
INFLUENSIA DISTANSIA KUDA BA KRESIMENTU NO REZULTADU PRODUSAUN
TIPU VARIEDADE FEHUK MIDAR (Ipomea batatas L)
Fehuk Midar (Ipomea batatas L.) hanesan ai-horis ida ne’ebé mak nani (dolar) iha rai
leten ho ninia benefisiu ne’ebé mak bo’ot tebes ba ita ema liu husi ninia isin no dikin nurak, aihoris fehuk midar mai husi kontinenti Amerika sentral.
Objetivu husi peskiza ida ne’e mak atu determina distansia kuda no tipu variedade fehuk
midar nian hodi hasa’e rezultadu produsaun fehuk midar. Ne’ebe implementa iha Suco Gugleur,
posto Administrativo Maubara (Loes) municipio Liquiçá ho nia a’as husi tasi 620 m a’as husi
tasi (Aht), huhu husi fulan Augusto 2016 to’o Janeiro 2017. Metode peskiza ne’ebe hakerek
nai’in uja mak hanesan Delinamentu Bloku Kasualizado (DBK) fatórial 3 x 3 ne’ebé repete iha
bloku tolu nia laran. Nune’e mos fator ne’ebé mak atu halo observasaun mak hanesan distansia
kuda no tipu variedade.
Rezultadu peskiza hatudu katak la responde ba hipoteza ne’ebe koko, tamba bazeia ba
rezultadu todan isin kada kantadeiru hatudu katak distansia kuda (D) Distansia kuda 100 cm x 30
cm (D2) fo rezultadu maximu 6.35 kg, Distansia kuda 100 cm x 20 cm (D1) fo rezultadu optimu
6.05 kg, Distansia kuda 100 cm x 40 cm (D3) fo rezultadu minimu 5.15 kg no Tipu Variedade
(V) Tipu Variedade CIP83 (V2) fo rezultadu maximu 11.63 kg, Tipu variedade lokal baucau
(V3) fo rezultadu optimu 4.42 kg, Tipu variedade Horae 3 (V1) fo rezultadu minimu 1.49 kg. No
fator rua iha interasaun ba diametru hun iha semana 12 depois kuda no kontazen isin kada
kantadeiru.
Liafuan Save: Distansia Kuda, Tipu Variedade no Ai-Horis Fehuk Midar (Ipomea batatas L)