DISKRISAUN NIVEL KOÑESIMENTU NO ATETUDE ESTUDANTE KONA BA
FUMA SIGARU IHA ESKOLA PRE-SEKUNDARIA SANTO ANTONIO DE
LACLUTAPOSTU ADMINITRATIVU LACLUTA
MUNICIPIU VIQUEQUE
TINAN 2024
DANIEL DA CONCEICAO NUNES
20.07.01.025
UNIVERSIDADE ORIENTAL TIMOR LOROSA’E
(UNITAL)
ABSTRATU
Antesedente : Fuma Sigaru sei fo impaktu ba ita ema nia sistema imunidade isin
lolon nian no fo risku ba ema nia saúde.Tuir dadus WHO (World Heaith
Organization,2020) hatudu katak totalidade ema ne’ebe abitua fuma sigaru ho
idade 15 ba leten hamutuk ema nain 991 ho persentagem 3,41% . Timor-Leste
hanesan nasaun ne’ebe populasaun fuma maioria ho idade adultu ba
Mane:71%,Feto:30% mak uza tabaku/fuma no estudante ho adolesente sira ho
idade13-15 anos aprende ona fuma sigaru ho pursentu mane hamutuk 42% no
feto hamutuk 21% . Dadus husi fuma sigaru iha eskola pre-sekundaria Santo
Antonio de lacluta hamutuk 351 pessoas.
Objetivu peskiza: objectivu jeral: Atu hatene konaba Deskrisaun Nivel
koñesimentu no atitude estudante kona ba fuma sigaru iha eskola preSekundaria santo Antonio De lacluta Postu Administrativu Lacluta Munisipiu
Viqueque tinan 2024.
Metodologia peskiza : Metodologia peskiza ida ne’e hakerek nain uza metodu
deskriptivu kuantitativu. Peskiza ida ne’e sei realiza iha Eskola pre-sekundaria
Santo Antonio De Lacluta posto administrativu lacluta munisipiu viqueque tinan
2024. Total populasaun hamutuk 351 no amostra hamutuk 39 mak sai hanesan
respondente.Tekniku foti amostra asidental sampling,Variavel dependente: fuma
sigaru, variavel indepedente: koñesimentu no atitude.Tekniku rekolla dadus:
kestionariu no dokumentasaun, tekniku koleta dadus: dadus sekunder no dadus
primaria ho analiza dadus:univariedade.
Rezultadu peskiza: Rezultado Peskiza hatudu katak respondente ho
koñesimentu diak hamutuk ema nain 20 ho pursentu (51%), respondente ho
koñesimentu naton hamutuk ema nain 11 ho pursentu (28%), no respondente ho
koñesimentu menus hamutuk ema nain 8 ho pursentu (21%). Respondente ho
attitude diak hamutuk ema nain 29 ho pursentu (74%), no respondent ho attitude
ladiak hamutuk ema nain 10 ho pursentu (26%).
Konkluzaun:Bazeia ba rezultadu peskiza iha leten maka peskizador foti
konkluzaun katak iha Eskola Colegio Santo Antonio de Lacluta maioria ho
koñesementu nebe diak hamutuk ema nain rua nulu (20) ho Pursentu Lima nulu
Resin ida (51%) Hatudu katak maioria estudante koñesimentu diak tamba
estudante barak iha koñesimentu kona ba fuma sigaru.Bazia ba rezultadu
respondente ho atetude maioria diak hamutuk ema nain Rua Nulu Resin Sia
(29) ho Pursentu hitu nulu Resin Hat (74 %). hatudu katak estudante iha
attitude diak tamba sira iha Koñesimentu diak kona ba fuma sigaru.
Liafuan Save : Koñesimentu, Atitude, Fuma Sigaru