ABSTRATU
SISTEMA PORTAUN AUTOMÁTIKU UZA SENSOR ULTRASÓNIKU
BAZEIA BA MIKROKONTROLADOR ARDUINO UNO R3
Dezenvolvimentu teknolójiku ne'ebé avansadu no modernizasaun teb-tebes hodi
motiva ema barak sai kreativu atu halo inovasaun oioin iha sistema
automatizasaun, hanesan sistema portaun automátiku atu aumenta efisiénsia,
seguransa no konfortu iha asesu entrada no saída ba área ida. peskiza ida-ne'e
hakarak atu dezeña no implementa sistema portaun automátiku ida bazeia ba
mikrokontroladór Arduino Uno R3 ne'ebé ekipadu ho sensor ultrasóniku HCSR04 hodi detekta prezensa objetu iha portaun nia oin. Bainhira objetu ida hetan
detekta iha distánsia 2 – 12cm, sistema sei ativa automatikamente motor stepper
28BYJ-48 hodi loke portaun. LED verde lakan hanesan indikadór ida katak objetu
ne'e detekta ona, enkuantu LED mean lakan bainhira laiha objetu. Wainhira objetu
ida hetan detekta liu 20 segundu, buzzer sei lian hanesan indikasaun. Bainhira
objetu refere hadook-an husi sensor, sistema sei hamate buzzer no portaun sei taka
fali automatikamente. Teste hatudu katak sistema bele responde ho di'ak ba objetu
iha distánsia ótimu to'o 12 cm no ângulu deteksaun ida ne'ebé efetivu entre 0° to'o
15°, tantu hosi parte karuk no loos sensor nian. Rezultadu implementasaun hatudu
katak sistema ne’e bele servisu ho responsivu no estavel tuir lójika programasaun
ne’ebé dezeña ona.
Liafuan Xafe: Arduino Uno, Sensor Ultrasóniku, Motor Stteper, Automasaun,
Portaun Automátiku.