ABSTRATU
Pasajeirus nia satisfasaun maka buat ida ne'ebé importante tebes ba
kompañia ida atu sai hanesan referénsia ida atu haree to'o iha ne'ebé susesu
kompañia nian hodi hala'o nia vizaun no misaun. Objetivu husi estudu ida-ne'e
maka atu determina Kualidade Atendimentu ba Kliente ne'ebé parsialmente
signifikativu ba Pasajeiru nia Satisfasaun husi ro berlin nakroma iha portu dili.
Atu determina presu tiketi nian ne'ebé parsialmente signifikativu ba Pasajeiru nia
Satisfasaun husi ro berlin nakroma iha portu dili. Atu determina Influénsia husi
Kualidade Atendimentu ba pasajeirus no presu tiketi Simultaneamente iha
Satisfasaun Pasajeiru portu dili. Estudu ida-ne'e uza métodu kuantitativu
deskritivu. No tékniku análize lineár oioin. Númeru amostra ne'ebé uza maka
respondente na'in 30. Tékniku halibur dadus iha estudu ida-ne'e uza kestionáriu
ida. Prosesamentu dadus iha estudu ida-ne'e uza programa software SPSS.
Konkluzaun husi estudu ne’e bele haree katak Kualidade Atendimentu ba
pasajeirus iha efeitu pozitivu no signifikante ba Satisfasaun Pasajeiru, presu tiketi
iha efeitu pozitivu no signifikante ba Satisfasaun Pasajeiru.
Liafuan xave: Kualidade Atendimentu, Presu Tiketi, Satisfasaun Pasajeirus