Ai-han seguru nu’udar komponente importante ida iha saude publika, moras sira ne’ebe kauza husi ai-han bele hamosu problema
ne’ebe signifikante no perigu ba iha saude no estadu nutrisional, atu hetan ai-han ne’ebe saudavel presiza ezijensia espesial
sira, inklui metodu prosessamentu ne’ebe prinxe rekezitu sira tuir provizaun sira husi pratika prosesamentu ai-han nian ne’ebe prienxe padraun hijiene sanitasaun. Objetivu peskiza: Atu hatene koñesimentu, pratika no atetude pessoal sira iha sala kozinha kona-ba prossesamentu hahan hijiene sanitasaun ne’ebe fornese iha Hospital Referal Oe-cusse Ambeno (HROA).
Metodologia peskiza: peskiza refere tama iha peskiza deskritivu kualitativu Observasional, peskiza refere halo iha Hospital Referal OeCusse Ambeno (HROA), Postu Administrativu Pante-Makassar, peskiza refere hala’o iha 16 Marsu to’o 31 marsu 2025. Populasaun iha peskiza refere hamutuk ema nain 10 ho numero amostra hamutuk ema nain 10. Tekniku rekolha amostra iha peskiza refere mak ho maneira total sampling. Rezultadu Peskiza : hatudu katak koñesimentu ai-han saudavel di’ak 100%, menus 0%, koñesimentu hijiene liman di’ak 100%, menus 0%, koñesimentu vestuariu ba sala koziña di’ak 90% menus 10%, koñesimentu
ai-han seguru di’ak 40%, menus 60%, koñesimentu prosessamentu tuir temperatura di’ak 40%, menus 60%. Pratika halo di’ak 40%, halo pratika nato’on 10%, la halo pratika ho diak 50%. Atetude hodi halo prosessamentu ai-han di’ak 50%, no ladi’ak 50%, Prosessamentu Ai-han halo di’ak 40%, halo nato’on 10% no halo la di’ak 50%. Konkluzaun peskiza : Husi resultadu peskiza refere hatudu katak mesmu iha koñesimentu ne’ebe di’ak maibe iha pratika ka asaun , atetude ka hahalok ba iha prosessamentu ai-han fornese hospital la tuir koñesimentu ne’ebe sira iha.