Diarea hanesan problema saude komunidade ne’ebe importante tebes tamba numero morbilidade no mortalidade ne’ebe a’as. Kada tinan iha mundu kuaje labarik juta 6 mak mate tamba moras diarea no insidente moras diarea ne’ebe barak liu akontese iha Nasaun ne’ebe desenvolvidu hanesan Brazil, Inglatera no Afrika ho totaliade persentajen 17% mate (mortalidade). Tuir dadus husi Organizasaun Mundial Saúde (OMS), Moras Diarea hanesan kauza daruak ba labarik sira ho idade Tinan 5 mai kraik ne’ebe hamate ona labarik hamutuk 70.000, Diarea sai kauza no hamate labarik ho idade tinan 5 mai kraik ho pursentu 15%, moras hamutuk 1.3 Miliaun no Mate 3.2 Miliaun. Tuir dadus Nasional husi Ministerio da saude relata katak moras diarea iha municipiu hotu-hotu, iha tinan 2017 kazu moras diarea hamutuk 94,896. Iha tinan 2018 kazu moras diarea hamutuk 90, 151. Iha tinan 2019 kazu moras diarea hamutuk 32,239. Iha tinan 2020 diarea agudu hamutuk 352,710 no diarea ho ran hamutuk 18,245. Iha tinan 2021 diarea agudu hamutuk 12,297 no diarea kroniku hamutuk 184 iha Timor-Leste. Tuir dadus iha Sentu Saúde komunitaria liquiça, postu Administrativu liquiça villa, muniçipio liquiça, kazu ba moras Diarea iha tinan 2023 moras diarea mak numero segundu ho numero ne’ebe mak a’as liu, Diarea Akuat hamutuk 2.627, Diarea ho Ran hamutuk 12, total hamutuk 2.639, ba labarik tinan lima mai kraik no adulto sira no iha tinan 2024 komes husi Fulan Janeiro to Maio maras diarea ba labarik ho idade tinan 5 mai kraik mak hanesan Diarea agudu hamutuk 361, diare ho ran hamutuk 11, total hamutuk 372.
Objektivu Jeral: Atu hatene deskrisaun nivel koñesimentu inan nian kona ba moras diarea ba labarik ho idade tinan 5 mai kraik Iha SSK Liquiҫa, Postu Administrativu Liquiҫa Villa, Muniçipiuo Liquiҫa, Tinan 2024?
Benefisiu Peskiza: Ba institusaun Akademika Ba institusaun Akademika Universidade Oriental Timor Lorosa’e (UNITAL) atu aumenta referensia iha biblioteka kona ba peskiza nain atu dezenvolve Ciencia da Saúde iha instituisaun akademika no iha komunidade.
Metodu Peskiza : Peskiza ida ne’e sei uja ho metodu deskritivu kuantitativu ho dezenu estudu ne’ebe sei uza mak dezeñu survei deskritivu atu deskreve ka hatene koñesementu inan nian kona ba moras diarea ba labaraik ho idade tinan 5 mai kraik iha sentru Saúde Komunitaria Liquiҫa, Postu Administrativu Liquiҫa Villa, Muniçipiuo Liquiҫa Timor-Leste tinan 2024.
Rezultadu Peskiza: Bazeia ba tabela iha leten indika katak respondente/familia pasiente maioria mak iha koñesimentu diak ho frekuensia hamutuk 20 ho nia pursentu (63%), respondente ho koñesimentu naton ho frekuensia hamutuk 8 ho nia pursentu (25%) no respondente minimu liu mak iha koñesimentu menus ho frekuensia hamutuk 4 ho nia pursentu (12%)
Konklusaun: Tuir rezultadu peskiza iha SSK liquiça, postu administrativu liquiça villa, muniçipiu liquiça tinan 2024. Peskizador hato’o konsiderasaun final ba Monografia iha kapitulu ida ne, rezultadu peskiza maioria inan ho koñesimentu diak tamba inan sira ne’e hetan informasaun husi pessoal saúde sira wainhira hala’o promosaun iha komunidade kona ba prevensaun moras diarea ba labarik ho idade tinan 5 mai kraik.

Liafun Save : nivel koñesimentu inan Moras Diarea ba Labarik Tinan 5.