Tekniku hakiak ai-horis koto mean iha Timor Leste presiza tekniku ne’ebé di’ak no determinadu hodi adapta influensia intervalu tempu no kuantidade fini ho di’ak liu ba peskiza iha tereinu. Peskiza iha tereinu hala’o tiha ona iha Suko Aituto. Postu Administrativu Maubisse, Munisipiu Ainaro hala’o iha fulan Abril to’o Junho 2021, ho objetivu atu hatene influensia intervalu tempu no kuantidade fini ba iha kresimentu no rezultadu ai-horis koto mean. Peskiza ne’e uza esperimentu Dezenho Haketak Kantreiru (DHK) (Split Plot Désign) ne’ebé forma tuir fatorial 3x3 mai husi fator rua: fator dahuluk intervalu tempu ho nia simbolu (T0) kuda direita, (T1) kuda loron hitu no (T2) kuda loron sanulu resin ha’at. Fator daruak kuantidade fini ho nia simbolu (F1) kuda fini musan ida kada rai kuak (F2) kuda fini musan rua kada rai kuak no (F3) kuda fini musan tolu kada rai kuak. Rezultadu peskiza Analiza variasaun (Anova) hatudu katak la iha interesaun ba fator rua ba intervalu tempu no kuantidade fini, maibe iha influensia signifikativu ba temperatura rai inisiu no potensial hidrojeniu rai inisiu no ikus. Rezultadu peskiza Analiza variasaun (Anova) hatudu katak la iha interesaun ba fator rua intervalu tempu no kuantidade fini ba kresimentu no prodosaun ai-horis koto mean. Intervalu tempu kuda loron hitu (F1) kuantidade fini musan rua kada rai kuak ho produtividade a’as liu ho valor 0, 54 ton/ha. Intervalu tempu kuda loron sanulu resin ha’at (F3) kuantidade fini musan tolu kada rai kuak ho produtividade menus ho valor 0, 27 ton/ha.
Lia fuan save:
Intervalu tempu kuantidade fini, ai-horis koto mean (Phaseolus Vulgaris L.)