Atividade vendedor ambulante hanesan atividade informal ida ne’ebé eziste tanba ekonomikamente mak dudu. Atividade vendedor ambulante ne’ebé ativu iha sidade Dili liu liu iha Postu Administrativu Nain Feto Munisipiu Dili seidauk estabelese konseitu ordenamentu hodi fo orientasaun ba atividade vendedor ambulante sira ne’ebé hodi hamosu okupasaun espasu publiku hodi hamenus funsionamentu espasu no kauza mos ba estetika sidade.
Iha metode analizasaun tolu ne’ebé mak sei utiliza hodi analiza mak hanesan metode estatistika deskritivu hodi hatene karateristika vendedor ambulante iha Postu administrativu Nain Feto Munisipiu Dili, metodu analizasaun FFOA (Forsa, Frakeza, Oportunidade no Ameasa) atu identifika estratejia orientasaun ba ordenamentu Vendedor Ambulante no metode deskritivu konseitu ordenamentu atu fo orientasaun ba modelu vendedor ambulante bazeia ba kondisaun espasu, sosial no modelu Vendedor Ambulante. Rezultadu hosi peskiza ida ne’e atu formula orientasaun sira bazeia ba aspeitu artifisial/ (Penbinaan) aspeitu ambiente, aspeitu jestaun espasu, aspeitu orientasaun no aspeitu ekonomia ajusta mos ho instrusaun regulamentu ezistente ne’ebé iha ona atu koloka Vendedor Ambulante nune’e Vendedor Ambulante sira bele hala’o sira nia atividade.